【成功搞完書展嘅感謝文】
一連七日嘅書展始終要完結❤️
好多謝咁多位實現我嘅夢想
出版人生第一本書《有些愛 錯過了就回不去》
坦白講 直到依家😣我都唔敢相信自己堅出到
回想寫完7萬幾字初稿後 所有嘢都好好
無論係校對 設計 排版 宣傳 搞簽書會
一直都有唔同好心人幫手 令我呢個初哥唔好咁慌
唔好諗銷量 我知道咁多人支持已經好足夠
點知去書展 你哋呢班follow我嘅人先係癲㗎😭
個個為咗助養我義不容辭😱
有啲特登由沙頭角入嚟灣仔買書
有啲從來冇去過書展 一去就只買我本書
有啲明明要趕返工都嚟買咗先
有啲求朋友幫手都要一睹為快
直到簽書會 我諗住拍烏繩啦
結果呢兩日你哋百幾個人排晒隊撐我😭
大部份仲係由direct問我愛情變成識咗幾年嘅朋友❤️
因為今次可以見到你哋真人 面對面傾偈
我唔知呢個場面會唔會再有第二次
所以每個我都傾咗好耐
唔好意思over run咗 要大家等🙏🏻
感謝名單：
🌟感謝無條件支持我嘅讀者
🌟感謝我男朋友同屋企人一路上陪我
🌟感謝望住我真人鳩吓鳩吓 到真係拎錢去買嘅朋友們
🌟為熱心寫作嘅同路人實現夢想嘅天使 孤泣
感謝你一直幫我 相信我 俾建議我呢個小薯
🌟超親民靚女作家姬雪
感謝你包容我嘅龜速😭仲完美處理咁多問題
🌟慧眼秘書Zita
感謝你欣賞我 邀請我加入
🌟最好人嘅光頭哥哥阿峰同可愛妹妹Soso
感謝你哋俾意見我
🌟非常落力嘅好幫手 Agnes 同Water
感謝你哋幫手影相 仲大力宣傳啲新書！！
🌟孤出版所有靚仔靚女
感謝你哋連日嚟嘅努力👼🏻
#By懶醒女朋友
Search